Kushtet e përdorimit

Për çka shërben Banesa

Banesa i ndihmon ndërtesat të menaxhojnë pagesat, shpenzimet, problemet, njoftimet, votimet dhe rezervimet. Administrata e ndërtesës vendos se kush ka qasje dhe çka shihet.

Llogaria juaj

• Llogarinë jua krijon administratori i ndërtesës (ose e krijoni vetë si biznes).
• Mbajeni fjalëkalimin vetëm për vete. Për çdo veprim nga llogaria juaj përgjigjeni ju.
• Të dhënat tuaja duhet të jenë të sakta; nëse diçka nuk është e saktë, kërkoni korrigjimin.

Rregullat e sjelljes

• Mos shkruani fyerje, kërcënime, gënjeshtra apo të dhëna private të të tjerëve në probleme, komente ose shpallje.
• Mos e përdorni aplikacionin për reklama pa leje, për mashtrime apo për diçka të paligjshme.
• Administrata mund t'i fshehë shkrimet që i shkelin këto rregulla.

Pagesat dhe financat

Shumat dhe borxhet i fut administrata e ndërtesës. Banesa nuk merr para nga banorët; pagesat bëhen te administrata sipas mënyrës që ajo cakton. Për gabime në shuma kontaktoni administratën.

Votimet dhe vendimet

Votimet në aplikacion janë mjet ndihmës. Rregullat e vlefshmërisë (kuorumi, shumica) i cakton ndërtesa sipas ligjit dhe rregullores së saj.

Filmat dhe ofertat

Filmat janë falas dhe shfaqen vetëm kur kemi të drejtë t'i shfaqim. Ofertat vijnë nga biznese të kontrolluara; për produktet dhe shërbimet e tyre përgjigjet biznesi.

Përgjegjësia

Bëjmë çmos që aplikacioni të punojë pa ndërprerje, por nuk mund ta garantojmë këtë gjithmonë. Nuk përgjigjemi për vendimet e administratës së ndërtesës apo për marrëveshjet mes banorëve.

Mbyllja e llogarisë

Mund të kërkoni fshirjen e llogarisë në çdo kohë. Ne mund ta mbyllim një llogari që i shkel rregullat, pasi t'ju njoftojmë.

Ndryshimet dhe ligji

Kur i ndryshojmë kushtet, ju kërkojmë t'i pranoni sërish. Për këto kushte vlen ligji i Republikës së Kosovës.